Maxfiylik siyosati

Shaxsiy ma'lumotlar operatori — TopBiznes, Toshkent shahri, O'zbekiston Respublikasi. Siyosat O'zbekiston Respublikasining «Shaxsga doir ma'lumotlar to'g'risida»gi Qonuniga muvofiq qabul qilingan va topbiznes.uz sayti, bizneslarning *.topbiznes.uz saytlari, biznes kabineti (my.xgo.uz), kassa (pos.xgo.uz) va mobil ilovalar orqali qayta ishlanadigan ma'lumotlarga taalluqli. Biznes kabineti va kassa XGo nomi ostida ko'rsatiladi.

• Hisob: ism, familiya, elektron pochta, telefon raqami, parol (faqat xesh ko'rinishida) va avatar; xohlasangiz — tug'ilgan sana, jins va shahar.
• Google yoki Telegram orqali kirsangiz: Google identifikatori, ism, pochta va profil rasmi havolasi yoki Telegram identifikatori, ism va bot orqali ulashgan telefon raqamingiz.
• Manzillar: saqlagan manzillaringiz va ixtiyoriy xarita nuqtasi — buyurtmani tez rasmiylashtirish uchun.
• Buyurtma va bronlar: ism, telefon, yetkazish manzili, izoh, tanlangan mahsulot, xizmat va vaqt.
• Ish va vazifalarga arizalar: ism, telefon, xabar, ixtiyoriy rezyume yoki portfolio (PDF), vazifa uchun taklif qilingan narx va muddat.
• Keshbek: har bir biznesdagi balansingiz va uning o'zgarishlari tarixi.
• Biznes ma'lumotlari: kompaniya nomi, STIR, manzil va filiallar, kontaktlar, tasdiqlash hujjatlari, jamoa a'zolari va taklifnomalar.
• Faollik va yozishmalar: saqlanganlar, kuzatuvlar, sharhlar, bizneslar bilan xabarlar, qo'llab-quvvatlash chati, shikoyatlar va bildirishnoma sozlamalari.
• To'lovlar: tarif, AI paketlari va Top o'rinlar bo'yicha to'lov yozuvlari va to'lov tizimidagi tranzaksiya raqami. Karta ma'lumotlari bizda saqlanmaydi.
• Texnik ma'lumotlar: kirish sessiyalari uchun IP-manzil va brauzer turi, push-bildirishnomalar uchun qurilma identifikatori, til.
• Statistika: tasodifiy tashrifchi identifikatori, sahifa ko'rishlari, qidiruv so'rovlari va IP-manzil bo'yicha aniqlangan shahar. IP-manzilning o'zi statistikada saqlanmaydi.

Biz joylashuvingizni doimiy kuzatmaymiz: faqat siz tanlagan shahar va o'zingiz belgilagan manzil nuqtalaridan foydalanamiz.

• hisob yaratish, uni himoyalash va kirishni ta'minlash uchun;
• yaqin atrofdagi bizneslar va mos natijalarni ko'rsatish uchun;
• buyurtma, bron va arizangizni siz tanlagan biznesga yetkazish uchun;
• siz so'ragan xabarlar, bildirishnomalar va xatlarni yetkazish uchun;
• bizneslarga kassa, mijozlar ro'yxati, keshbek va hisobotlar xizmatini ko'rsatish uchun;
• kontentni moderatsiya qilish, firibgarlik va suiiste'mollarning oldini olish uchun;
• bizneslarning tarif, AI paketlari va Top o'rinlar uchun to'lovlarini qayta ishlash uchun;
• umumlashtirilgan statistika asosida Platformani yaxshilash uchun.

Ma'lumotlarni ro'yxatdan o'tishda bergan roziligingiz asosida, shuningdek siz so'ragan xizmatni — buyurtma, bron, ariza yoki to'lovni — bajarish, qonunga rioya qilish yoki foydalanuvchilar va Platformaning qonuniy manfaatlarini himoya qilish zarur bo'lganda qayta ishlaymiz. Rozilikni istalgan vaqtda qaytarib olish mumkin; bu avval amalga oshirilgan qayta ishlashga ta'sir qilmaydi.

Ismingiz va avataringiz sharhlaringiz yonida ko'rsatiladi. Biznes o'z profilida joylagan hamma narsa ochiq. Kimni kuzatayotganingiz va nimani saqlaganingiz hech kimga ko'rsatilmaydi.

Biznes siz haqingizdagi ma'lumotni faqat u bilan bog'liq ish qilganingizda oladi:

• buyurtma yoki bron qilsangiz — ism, telefon, manzil va izohingiz;
• ish yoki vazifaga ariza bersangiz — arizangiz, telefoningiz va rezyumengiz; biznes arizaga o'zi uchun baho va izoh qo'yishi mumkin, ular sizga ko'rinmaydi;
• biznesga yozsangiz — ismingiz va xabarlaringiz;
• kassada telefon raqamingizni aytsangiz — xaridlaringiz, nasiya va keshbek balansingiz shu biznesning mijozlar ro'yxatiga yoziladi.

Biznes Platforma orqali o'z mijozlari bilan ishlaganda — kassada sotuv, buyurtma, bron, keshbek, nasiya yoki mijozlar ro'yxati — u bu ma'lumotlarning mustaqil operatori hisoblanadi: ularni qanday maqsadda yig'ishi, qanday ishlatishi va qachon o'chirishini o'zi belgilaydi. TopBiznes bu ma'lumotlarni biznes uchun, faqat xizmat ko'rsatish maqsadida saqlaydi va boshqa bizneslarga ko'rsatmaydi.

Biznesning mijozlar ro'yxatidagi ma'lumotlaringiz bo'yicha so'rovni avval shu biznesga yuboring. Javob olmasangiz, bizga yozing — yordam beramiz.

Ba'zi bizneslar xabarlarga javob berish uchun AI yordamchidan foydalanadi: Platformadagi chat, biznes sayti, uning Telegram boti yoki biznes egasining Telegram akkaunti orqali yozgan xabaringizga AI javob berishi mumkin. Buning uchun suhbat tarixi, ismingiz, telefoningiz va biznes katalogi Google Gemini xizmatiga yuboriladi.

TopBiznes qo'llab-quvvatlash chati ham AI yordamchi bilan ishlaydi va kerak bo'lsa suhbatni xodimga uzatadi. Shuningdek AI moderatsiyada biznes, mahsulot va xizmat matnlarini tekshiradi hamda bizneslar yuklagan mahsulot rasmlarini tahrirlaydi. Suhbatlarning qisqa mazmuni xodimlar va biznes uchun saqlanadi.

Biz shaxsiy ma'lumotlarni sotmaymiz. Ularni faqat Platforma ishiga zarur bo'lgan yetkazib beruvchilarga, zarur hajmda va maxfiylik majburiyati bilan beramiz:

• Paylov — karta orqali to'lovlar va SMS orqali tasdiqlash; karta ma'lumotlarini biz ko'rmaymiz va saqlamaymiz;
• Google Gemini — AI javoblari, moderatsiya va rasm tahriri;
• Google Firebase — push-bildirishnomalar; yangi xabar haqidagi bildirishnomada yuboruvchi ismi va xabar boshi bo'ladi;
• Cloudflare — yuklangan fayllar, jumladan rasmlar va rezyumelar saqlanadigan fayl ombori;
• Resend — elektron pochta xatlarini yetkazish;
• Telegram — Telegram orqali kirish va bizneslarning Telegram kanallari;
• Google — Google orqali kirish;
• OpenStreetMap — siz kiritgan manzil matnini xaritadagi nuqtaga aylantirish; IP-manzilingiz yuborilmaydi.

Bu yetkazib beruvchilarning bir qismi serverlari O'zbekistondan tashqarida joylashgan. Ularga ma'lumot faqat yuqorida ko'rsatilgan maqsadlarda uzatiladi. Qonun talab qilganda ma'lumotlarni vakolatli davlat organlariga ham beramiz.

O'zbekiston fuqarolarining shaxsiy ma'lumotlari O'zbekiston Respublikasi hududida joylashgan serverlarda saqlanadi. Biz shifrlangan ulanishlar, parollarni xeshlash va faqat zarur xodimlarga ruxsat berishdan foydalanamiz, karta ma'lumotlarini esa umuman saqlamaymiz.

Rezyume va portfolio fayllari tasodifiy, taxmin qilib bo'lmaydigan havola bilan saqlanadi va faqat ariza yuborilgan biznesga ko'rsatiladi.

Ma'lumotlar hisob mavjud ekan saqlanadi. Ayrim ma'lumotlar uchun alohida muddatlar bor:

• ish va vazifa arizalari rezyumelar bilan birga — qaror qabul qilingan yoki e'lon yopilganidan 180 kun o'tib o'chiriladi;
• tugagan yoki bekor qilingan kirish sessiyalari, IP-manzil va brauzer ma'lumoti bilan — 30 kundan keyin o'chiriladi;
• statistikaning dastlabki yozuvlari va qidiruv so'rovlari — 13 oy saqlanadi;
• hisobni o'chirsangiz, u darhol va qaytarib bo'lmaydigan tarzda anonimlashtiriladi: pochta, telefon, parol, ism, avatar, tug'ilgan sana, jins va bog'langan Google va Telegram o'chiriladi; arizalar, rezyumelar, saqlanganlar, kuzatuvlar, manzillar, sharhlar va bildirishnomalar o'chiriladi; sizga tegishli bizneslar katalogi bilan birga yopiladi.

Hisob o'chirilgandan keyin ham bizneslar bilan yozishmalar ismingizsiz, shuningdek buyurtma, bron, xarid, chek, nasiya, keshbek va to'lov yozuvlari buxgalteriya va qonun talablari uchun saqlanadi. Bizneslar o'z mijozlar ro'yxatini o'zi boshqaradi — undagi yozuvni o'chirish uchun shu biznesga murojaat qiling.

• siz haqingizda qanday ma'lumotlar saqlanayotganini bilish va ularning nusxasini olish;
• noto'g'ri ma'lumotlarni tuzatish — ko'pini to'g'ridan-to'g'ri profilda;
• ma'lumotlar va hisobni o'chirish — profil sahifasida o'zingiz yoki bizga yozib;
• rozilikni qaytarib olish va qayta ishlashga e'tiroz bildirish;
• shaxsga doir ma'lumotlarni himoya qilish bo'yicha vakolatli davlat organiga shikoyat qilish.

Bu huquqlardan foydalanish uchun hisobingizga bog'langan pochtadan bizga yozing. 30 kun ichida javob beramiz.

Platforma 16 yoshgacha bo'lgan bolalar uchun mo'ljallanmagan va biz ularning ma'lumotlarini ongli ravishda to'plamaymiz. Agar hisobni bola yaratgan deb hisoblasangiz, bizga xabar bering — uni o'chiramiz.

Yangilanishlar yangi kuchga kirish sanasi bilan shu sahifada e'lon qilinadi; muhim o'zgarishlar haqida ro'yxatdan o'tgan foydalanuvchilar pochta yoki bildirishnomalar orqali xabardor qilinadi.